• O obxectivo prioritario desta iniciativa é coñecer o estado de conservación da infraestrutura turística nos termos municipais dos 17 Concellos que a integran, as necesidades de mantemento e as melloras para efectuar.
• Esta mañá tivo lugar unha reunión técnica para concretar os pasos para seguir dentro deste compendio de actuacións.
A Reserva de Biosfera impulsa un estudo para coñecer o estado dos paneis interpretativos ao longo e ancho do seu territorio.
Esta mañá tivo lugar unha reunión técnica para concretar os pasos para seguir dentro deste compendio de actuacións. Nela estivo o técnico da Reserva de Biosfera, Diego López.
O obxectivo prioritario desta iniciativa é coñecer o estado de conservación da infraestrutura turística nos termos municipais dos 17 Concellos que a integran, as necesidades de mantemento e as melloras para efectuar.
Para iso, realizarase unha proposta sólida, sostible e con datos de campo para coñecer de primeira man e realizar un exhaustivo inventariado dos mesmos. Nalgúns casos, estes están deteriorados ou con contidos obsoletos, sendo necesario propoñer actuacións específicas inmediatas, a medio e longo prazo para a súa conservación e mantemento.
Os equipamentos de uso público necesitan estar tematizados en liña coa estratexia de Ecoturismo do Destino nun estado de conservación adecuado que permita visibilizar os recursos turísticos do territorio da Reserva de Biosfera.
Contémplanse as actuacións tanto de traballo de campo como de traballo de gabinete. No primeiro grupo, englóbanse a recollida dos datos de denominación, localización, fotografías, referencia xeográfica, observacións, características do panel, estado de conservación, valoración do estado e valoración de substitución.
No segundo apartado, a elaboración dunha ficha individualizada de cada panel, que inclúa polo menos os datos específicos sinalados con anterioridade (os do traballo de campo) e a actualización do Visor MyMaps para o estudo dos estados do panel.
O prazo de execución para a realización das accións anteriores acaba o 30 de setembro de 2023, e prevese que sobre este estudo realícese unha primeira acción sobre o territorio antes do 1 de decembro de 2023.
O presidente da Reserva de Biosfera, José Antonio Santiso, indicou que “se trata dunha acción tremendamente necesaria, xa que estes paneis son unha das caras visibles dos nosos bens patrimoniais, e é fundamental que o seu estado sexa o mellor posible, tanto a nivel de estética como de contido”, asegurou.
